माघ ९, पाल्पा। सिकार खेल्ने क्रममा पाल्पाको रिब्दिकोट गाउँपालिका चिलाउनेपानी सामुदायिक वनमा भरुवा बन्दुक पड्कदा लक्ष्मण छहारीको मृत्यु भएको हो । मृतक छहारीसहित बिहीबार राति चारजना वनमा सिकार खेल्न गएका थिए ।
सिकार खेल्ने क्रममा भरुवा बन्दुक पड्किँदा छहारीको मृत्यु भएको जिल्ला प्रहरी कार्यालय पाल्पाले जनाएको छ । मृतक छहारीसँगै सिकार खेल्न गएका ज्ञानबहादुर गाहा, कमल राना र देवबहादुर गाहालाई भरुवा बन्दुकसहित प्रहरीले नियन्त्रणमा लिएर घटनाबारे अनुसन्धान गरिरहेको छ ।
