पुष १२, काठमाडौं। आफूहरुले उठाएका विभिन्न १८ बुँदे मागहरु पुरा नभएको भन्दै स्वास्थ्यमा क्रियाशिल ट्रेड युनियन तथा पेशागत संघ-संगठनहरुको संयुक्त संघष समितिले माइतिघरमा प्रर्दशन गरेका छन् । स्वास्थ्य क्षेत्रका २३ वटा पेशागत संघ संगठनले गत मंसिर ७ गते मन्त्रालय सामु विभिन्न १८ बुँदे माग सहितको ज्ञापन पत्र बुझाउँदै २१ दिनको अल्टिमेटम दिएका थिए ।
उनीहरूले ,कोरोना महामारीमा स्वास्थ्याकर्मीको साथ, जनाको स्वास्थ्यमाथि सरकारको घात’, ‘सरकार मलाई पीपीई खोइ ‘सरकार स्वास्थ्यकर्मीको सुरक्षाको जिम्मा कस्को लेखिएको प्ले कार्डसहित प्रदर्शन गरेका छन् ।
उनीहरूले कोभिड लगायत अन्य जटिल रोगको सबै उपचार राज्यले निशुल्क गर्नुपर्ने, आइसियु, भेन्टिलेटर लगायत उपकरणहरुको संख्या देशैभरका अस्पतालमा वृद्धि गरी सेवा विस्तार गर्नुपर्ने, निश्चित मापदण्डका आधारका सबै स्वास्थ्यकर्मीलाई क्वारेन्टाइन, आइसोलेसन र बिदाको व्यवस्थापन हुनुपर्ने, स्वास्थ्य तथा जनसंख्या मन्त्रालयको सचिव स्वास्थ्य सेवाबाट नै हुनुपर्ने लगायत १८ बुँदे माग अघि सारेका छन् । नेपाल चिकित्सक संघ, नेपाल स्वास्थ्यकर्मी संघ, राष्ट्रिय स्वास्थ्यकर्मी संघ, नेपाल स्वास्थ्यकर्मी युनियन, अखिल नेपाल प्रतिगतिशील स्वास्थ्यकर्मी संगठन, नेपाल राष्ट्रिय स्वास्थ्यकर्मी संगठन लगायत २३ वटा संघ संगठनले ऐक्यवद्धता जनाएका छन्।
