आजको मौसम : आंशिक देखि सामान्य बदली

माघ १३, काठमाडौँ । आज दिउँसो देशको पश्चिमी भु-भाग लगायत मध्य र पूर्वी  पहाडी भू-भागमा आंशिक देखि सामान्य बदली  रहनेछ । तराईका केहि भूभागहरुमा हुस्सु/कुहिरो लाग्ने सम्भावना रहेको छ। यस्तै राती देशभर आंशिक देखि सामान्य बदली रहनेछ । पश्चिमी भु-भागका थोरै स्थानहरुमा हल्का वर्षाको संभावना रहेको छ। पश्चिमी उच्च पहाडी तथा हिमाली भु-भागमा हल्का हिमपातको संभावना रहेको छ ।

सोमवारबाट नेपाल प्रवेश गर्ने पश्चिमी न्यून चापीय प्रणालीका कारण सोमबार राती तथा मंगलबार देशको पश्चिमी क्षेत्रमा सामान्य बदली रही थोरै स्थानहरुमा हल्का वर्षा हुनुका साथै उच्च पहाडी तथा हिमाली भू-भागका स्थानहरुमा हल्का हिमपात को सम्भावना रहेको देखिन्छ।सोमबार दिउँसो देशको पश्चिमी भु-भाग लगायत मध्य र पूर्वी  पहाडी भू–भागमा आंशिक देखि सामान्य बदली  रहने मौसम पूर्वानुमान महाशाखाले जनाएको छ ।