कार्तिक, ४ धरान । सुनसरीको धरान उपमहानगरपालिकामा मंगलबार एकै दिन नगरका विभिन्न वडामा लिइएको स्वाब रिपोर्टमा २०६ जनामा कोरोना पुष्टि भएको उपमहानगरपालिकाका स्वास्थ्य महाशाखा प्रमुख उमेश मेहताले जानकारी दिए ।
उनका अनुसार यसअघि एकै दिन २११ जना संक्रमित पुष्टि भएको थियो । धरानमा कोरोना भाइरस संक्रमितको संख्या दुई सय पार गरेको यो दोस्रो पटक हो । आइतबार एन्फा क्वारेन्टिन र बीपी कोइराला स्वास्थ्य विज्ञान प्रतिष्ठानमा गरिएको स्वाब संकलन गरिएको आधारमा मंगलबार आएको रिर्पोटमा सो संख्यामा संक्रमित देखिएका हुन् । धरानमा कुल संख्या २ हजार २१३ पुगिसकेको मेहताले बताए ।
