साउन ५, काठमाडौं । काठमाडौंको तारकेश्वर नगरपालिका १ स्थित पानी पोखरीमा पौडी खेल्ने क्रममा शनिबार साँझ एक बालकको मृत्यु भएको छ ।
पानी पोखरीमा डुबेका उदयपुरका विष्णु सुनुवारको छोरा १२ वर्षीय सुरज सुनुवारको शव फेला परेको हो । ती बालक पोखरीमा डुबेको खबर प्राप्त हुनासाथ प्रहरी प्रधान कार्यालय, विपद् व्यवस्थापन महाशाखा सामाखुसीबाट उद्दारमा खटिएको प्रहरी टोलीले करिब ३० मिनेटको प्रयासपछि पोखरीमा डुबेका उनको शव निकालिएको सो महाशाखाले जनाएको छ ।
