वैशाख ४, काठमाडौं । धनगढी एफसीलाई ३ -१ ले हराउँदै एफसी चितवन नेपाल सुपर लिग (एनएसएल) को प्ले अफमा पुगेको छ। चितवन पहिलो पटक प्ले अफमा पुगेको हो।
Ncell Nepal Super League 2025:
Match between Dhangadi FC and FC Chitwan at Dasharath Stadium in Kathmandu on Thursday 17.April.2025.
Photo: Udipt Singh Chhetry/USC Images Production
योसँगै प्ले अफको समीकरण पूरा भएको छ। पहिलो क्वालिफायरमा गत संस्करणको दुई फाइनलिष्ट ललितपुर र धनगढी भिड्ने तय यसअघि नै भैसकेको छ। चितवन र पोखरा थन्डर्सले पहिलो इलिमिनेटर खेल्ने समीकरण तय भएको छ।
धनगढीलाई आजको नतिजाले कुनै असर नगर्ने भएकोले उसले आज ८ खेलाडी प्लेइङ इलेभेनमा परिवर्तन गरेको थियो। तर चितवनलाई कम्तिमा बराबरी नतिजा जरूरी थियो। यी दुई बीचको प्रतिस्पर्धा चलिरहँदा काठमाडौं रेजर्स भने चितवनको हारको पर्खाईमा थियो। जुन हुन सकेन्।
धनगढीले सुरूवातमा अग्रता बनाएपनि चितवनले भने सानदार कमब्याक गर्यो। खेल अवधिभर नै चितवनले पकड बनायो।
मैदान बाहिर भने काठमाडौं चितवनको हारको पर्खाईमा छ। चितवनको हारमा काठमाडौं प्ले अफमा पुग्ने समिकरण छ।
वर्षाबीच सुरु भएको खेलको सातौं मिनेटमा धनगढीले सुरूवाती अग्रता बनायो। जर्ज प्रिन्स कार्कीले ४० यार्ड भन्दा टाढाबाट हानेको पावरफुल सट आकर्षक गोलमा परिवर्तन भयो। जारी लिगको यो उत्कृष्ट मध्येको गोल थियो। धनगढीले १-० को अग्रता बनायो।
तर खेलको १३ औं मिनेटमा शिशिर लेखीले दिएको बलमा छिरिङ गुरुङले क्रस गर्न खोजेको बल अशोक खवासको ह्यान्ड भएको एसिस्टेन्ट रेफ्रीले संकेत गरे।
जसलाई रेफ्री प्रज्वल क्षेत्रीले सही मान्दै चितवनलाई पेनाल्टीको अवसर दिए। नोडिर माभलोनोभले पेनाल्टीमा कुनै गल्ती गरेनन्। नोडिरको यो जारी लिगमा दोस्रो गोल हो। चितवनले खेललाई १-१ को बराबरीमा पुर्यायो।
खेलको २९ औं मिनेटमा चितवनले खेलमा अग्रता बनाउने मौका गुमायो। नोडिरले करिब ३० यार्ड टाढाबाट हानेको प्रहार गोल पोष्ट नजिकैबाट बाहिरियो। यसपछि ३४ औं मिनेटमा पनि नोडिरले फेरि मौका गुमाए। बक्स बाहिरबाट हानेको प्रहार बाहिरियो।
यसपछि इन्ज्युरी समयको पहिलो मिनेटमा छिरिङ गुरूङको क्रसमा भिक्टर मानसारेले बललाई कलेक्ट गर्न सकेनन्। क्लोज रेन्जमा रहेका जय गुरुङले गोल गरे। पहिलो हाफमा चितवनले २-१ को अग्रता बनायो।
खेलको ५० औं मिनेटमा भिक्टर मानसारेले जोनाथन क्याम्पबेललाई दिएको क्रसमा धनगढीका डिफेन्डर अमृत श्रेष्ठलाई लागेर गोल भयो। धनगढीको आत्मघाती गोलमा चितवनले खेलमा ३-१ को अग्रता बनाउँदै प्ले अफको संभावनालाई लगभग निश्चित भएको थियो।
८४ औं मिनेटमा मिलन राईले हानेको बाहर थोरैले बाहिरियो। यसपछि दुवै टिमबाट गोल हुन सकेन। धनगढी ३-१ को जित दर्ज गर्न सफल भयो।
चितवन ३ जित १ बराबरी र २ हार सहित १० अंक बनाएर तेस्रो स्थानमा रहँदै प्ले अफमा पुगेको हो। पहिलो संस्करणमा चितवन लिगको पुछारमा रहेको थियो। गत सिजन नौ टिम सहभागी हुँदा चितवन सातौं भएको थियो।
साविक विजेता ललितपुर अपराजित रहँदै १२ अंकका साथ शीर्षस्थानमा रहयो। जारी एनएसएलमा पहिलो हार बेहोरेको धनगढीले ११ अंकमा दोस्रो स्थानमा लिग पूरा गर्यो। चौथो भएको पोखरा ८ अंक छ ।
काठमाडौंले ८ अंक नै बनाएपनि पोखरासँग गोल अन्तरले पछि पर्दै बाहिरियो। झापाले ५ अंक र बुटवल लुम्बिनीले १ अंक सहित तेस्रो संस्करण पूरा गरे।
शनिवार ललितपुर र धनगढीबीच पहिलो खेल हुनेछ। पहिलो इलिमिनेटर भने आइतवार हुनेछ। जहाँ पोखरा र चितवनबीच प्रतिस्पर्धा हुनेछ।
Share this News:
Facebook0
Tweet0
