मंसिर ३, सङ्खुवासभा । सङ्खुवासभामा छुट्टाछुट्टै घटनामा दुई जनाको मृत्यु भएको छ । सिलिचोङ गाउँपालिका–३ खड्बा खोला नजिकै रहेको तेवा भीरमा लडेर ३६ वर्षीय राजन राईको मृत्यु भएको जिल्ला प्रहरी कार्यालय सङ्खुवासभाका प्रहरी नायब उपरीक्षक (डीएसपी) दक्षकुमार बस्नेतले बताउनुभयो ।
त्यसैगरी मकालु गाउँपालिका–२ मा एक्स्काभेटर दुर्घटना हुँदा मकालु गाउँपालिका–२ का सेदुवाका ३० वर्षीय सुरवीर राईको मृत्यु भएको डीएसपी बस्नेतले बताउनुभयो ।
