कात्तिक २६, काठमाडौं । आगामी मंसिर १६ गते स्थानीय तहका ४४ पदमा उपनिर्वाचन हुँदै छ। जसअन्तर्गत कोसी प्रदेशमा एक गाउँपालिकाका अध्यक्ष सहित ७ जनप्रतिनिधि चयनका लागि उपनिर्वाचन हुँदै छ।
कोसीमा मोरङको ग्रामथान गाउँपालिका अध्यक्ष पदमा निर्वाचन हुने छ भने बाँकी ६ वटा वडाध्यक्ष पदका लागि उपनिर्वाचन हुनेछ । सुनसरीको गढी गाउँपालिका–६, झापाको कन्काई नगरपालिका–६, तेह्रथुमको लालीगुराँस नगरपालिका– ८, ओखलढुंगाको मोलुङ गाउँपालिका–५, उदयपुरको त्रियुगा नगरपालिका १२ र बेलका नगरपालिका ८ मा उपनिर्वाचन हुने निर्वाचन आयोगले जनाएको छ ।
२०७९ वैशाख ३० गते सम्पन्न स्थानीय तह निर्वाचनबाट ती स्थानमा निर्वाचित जनप्रतिनिधिको ठाउँ निधनलगायत विभिन्न कारण रिक्त भएपछि उपनिर्वाचनबाट पुनस् चयन गर्न लागिएको हो।
