असार ५, काठमाडौं । नेकपा एमालेका सांसद गोकुल वास्कोटाले शहरको व्यवस्थित निर्माण र विकासमा राज्यको ध्यान जानु पर्ने बताएका छन् ।मंगलबार संसदमा बजेटको मन्त्रालयगत विनियोजन माथिको छलफलमा भागलिदैं सांसद बास्कोटाले पुराना शहरको मौलिकता र उनीहरुको जीवन शैलीमाथिको अतिक्रमणलाई जोगाउन भित्री शहरहरुको बारेमा सोच्न आवश्यक भएको बताए ।
उनले भने‘पुरानाशहरको मौलकिता र उनीहरुको जीवन शैलीमाथिको अतिक्रमणलाई जोगाउन हामीले भित्री शहरहरुमा केही सोचेका छौं ?ती केही कार्यक्रम छैनन् । सडक बत्तिहरु छन,छैनन् ।हाउस म्यापिङ छ छैन् ?सुरक्षित वस्ती विकास र जनता आवास कार्यक्रमहरु तपाईहरुको निर्माणको शहरी विकास मन्त्रालयको क्यामेराबाट फोकस आउट भएको छ । हिमालीशहर स्मार्ट शहर नयाँशहर कहाँ छ यहाँ केही पनि छैन्। केही नयाँ गर्नको लागि पनि हैन् । ’
सांसद बास्कोटाले अघिल्लो सरकारले शहरी विकासको सन्दर्भमा सुरु गरेका कार्यक्रमलाई निरन्तरता नदिएको भन्दै संसद भवन बनाउन कति समय लाग्छ भनेर प्रश्न गरे ।उनले भने ‘ लामो कुरै गर्नु पर्दैन संसद भवन कहिले बन्छ ? यो कार्यकाल अरु तीनवर्ष लाग्छ भन्छन् । धरहरा निर्माण कति लाग्छ भन्दा अरु २ वर्ष लाग्छ भन्छन् । अछामको मंगलसेन दरवार कति हो कति तपाईहरुको सत्तासिनको पालामा पनि बन्दैन। भै आएका कुरा स्वीकार्न पनि सक्नु भएन् । यसमा दुःख लाग्या छ । नगर बनेको छ उनिउका स्वाउला कटुसका झाङ छावलीका घरहरु राख्ने जनतालाई कर थोपर्ने सेवा सुविधा दिने कुरामा यो बजेट पुग्छ ?
