जेठ २३, काठमाडौं । संस्कृति, पर्यटन तथानागरिक उड्डयनमन्त्री सुदन किराँतीले हवाईजहाज नेता, मन्त्री तथा तिनका आफन्तहरुको कमाई खाने भाँडो बनेको भन्दै त्यसको आलोचना गरेका छन् । मंगलबार काठमाडौंमा खिजीदेम्बा गाउँपालिकाले पर्यटन प्रवद्र्धन र प्रचारप्रसारका लागिआयोजना गरेकोपर्यटन वेवसाईट शुभाराम्भ तथा अन्र्तक्रिया कार्यक्रममा मन्त्री किराँतीले २५ वटा निर्माणाधिन एअरपोर्ट गौचरणमा परिणत हुनुमामन्त्री देखि तिनकाआफन्त सम्मले मिलिभगत रुपमा गरेको भ्रष्टाचार प्रमुख कारण रहेको दावी गरे ।
उनले भने,‘हवाईजहाज विधानचाहीँ बनाएको बनाई गर्ने तर हवाईजहाजचाँही नउडाउने हाम्रो देश हो यो । २२ वटा एअरपोर्ट अहिले गौचरणमा परिणत भएकाछन् । त्यो जनता र राष्ट्रको पैसा हैन् ?अरबौं खर्च गरेर एअरपोर्ट बनाउने हवाईजहाज नउडाउने भयपछि त मजाआएननि । त्यो त आलोचनाको पाटो मात्रभयोनि ! दृष्टिकोणको हिसावले हामी त आँखै नदेख्ने जस्तो भयौं । नेताको खाने पिउने,कमाउने र रमाउने ठाउँ भएको छ हवाईजहाज । मन्त्रीले त खोयो खायो मन्त्रीको साढभाई ,दाई ,साली, मितबाउ, मितआमा सबै मिलेर खाने गरेका छन् । घुस खानसिकाउनु पदैन रहेछ । सबै गुरुहरु सिकाउनआउने रहेछन् ।’
मन्त्री किराँतीले एअरपोर्ट अनुसार नयाँहवाईजहाज किन्ने विषय सरकारको चासोमानपर्ने तर, एअरपोर्ट मात्रबनाएर आलोचनाको पाटो मन्त्रालयबन्ने गरेको भन्दै अब नयाँ एअरपोर्ट निर्माणलाई भन्दा पुराना एअरपोर्टलाई पुर्ण रुपमा सञ्चालनगर्न तर्फ मन्त्रालयले कार्य गर्ने बताए । कार्यक्रममा उनले नेपालको पर्यटकीय गन्तव्य मध्येको एक ओखलढुंगाको खिजीदेम्बो थोलेदेम्बा क्षेत्र समेटेर तयार गरिएको पर्यटकीय पथमार्गको उद्घाटन गरे ।
जसमा,पोकलीझरना १३० मिटर हुँदै चिलिमडाँडा, लाम्जेबौद्ध, चुलीथान गौरीवन, दोबाटेभन्ज्याङ्ग, खिजी चण्डेश्वरी, खिजीफलाँटे, चुप्लु भन्ज्याङ, थोलेदेम्बा ३३५० मिटरसम्म (३ दिन) को पथमार्ग र उक्त स्थानहुँदै पिके, दुधकुण्ड हिमालबाट सगरमाथाको आधार शिविरसम्मपुग्न सकिने छ । यो पदमार्गको सुरुआत गरेसंगै, अब ओखलढुंगाको खिजीदेम्बा गाउँपालिका सहितको क्षेत्रको पर्यटन प्रर्वद्धन र प्रचारप्रसार हुने विस्वास आयोजकको रहेको छ ।
