मंसिर १३, काठमाडौं । काठमाडौँमा दिउँसै कोठा फोडेर चोरी गर्ने गिरोह सक्रिय भएको छ । काठमाडौँको तारकेश्वर नगरपालिका–८ शेषमती शान्ति टोलमा दिउँसै कोठाको ताला फुटाई नगद तथा सुनचाँदीको विभिन्न गरगहना चोरी भएको हो ।
काठमाडौँको तारकेश्वर नगरपालिका–८ शेषमती शान्ति टोलमा डेरा गरी बस्ने बर्दिया बाँसगढी नगरपालिका–९ घर भएकी ३५ वर्षीया कौशीला कुवँरको करिब ५ लाख ४८ हजार २ सय रूपैयाँ बराबरको धनमाल चोरी भएको बालाजु प्रहरी वृत्तले जनाएको छ। सोमबार दिउँसो भएको यस चोरीमा संलग्न गिरोहको खोजी गर्नुका साथै थप अनुसन्धान भइरहेको प्रहरीले जनाएको छ ।
