फागुन ५, काठमाडौं । बालाजुमा मिनीबसले ठक्कर दिँदा दुईजना पैदलयात्रुको मृत्यु भएको छ ।महानगरीय ट्राफिक प्रहरी महाशाखाका अनुसार आज बिहान बालाजु गंगा हल अगाडि मिनीबसको ठक्करबाट घाइते भएको दुईजना पैदलयात्रुलाई अस्पताल लैजाने क्रममा मृत्यु भएको हो ।
मृत्यु हुनेमा रसुवाका १८ वर्षीय विकास तामाङ र नाम नखुलेकी महिला छन् । मिनीबसले ठक्कर दिएर फरार रहेको र अनुसन्धान जारी रहेको प्रहरीले जनाएको छ ।
