फागुन २, पाल्पा । पाल्लामा सोमबार अपराह्न जीप दुर्घटना हुँदा सात जना घाइते भएका छन्। प्रहरीका अनुसार दोभानबाट माराबासतर्फ जाँदै गरेको लु१ज १३८२ नम्बरको जीप तिनाउ गाउँपालिका-२ जलथरीस्थित कच्ची सडकबाट पाँच मिटर तल खसेको हो।
घाइते हुनेमा तिनाउ गाउँपालिका-२ की ३१ वर्षीया सीता सोमई, २८ वर्षीया सीमा पल्ली, ४५ वर्षीया लीला सोमई, ५२ वर्षीया समकली लुइँटेल, २६ वर्षीया गीता बगाले, ४४ वर्षीया निर्मला चिदी र ३३ वर्षीया गीता गाहा छन्।
घाइतेहरूलाई उद्धार गरी उपचारका लागि प्रादेशिक अस्पताल बुटवल पठाइएको छ । जीप बाटोको घुम्ती मोडमा आफैं ब्याक हुन गएर दुर्घटनामा परेको थियो। जीपमा सवार १० मध्ये सात जना घाइते रहेको र अन्य सकुसल रहेको उनले जानकारी दिए।
