• २०८१ साउन ३ गते बिहिवार

दुधौली नगरपालिकाको मेयरमा कांग्रेसबाट इन्दिरा निरौलाको दाबेदारी

खबर२४ नेपाल पढ्न लाग्ने समय : १ मिनेट

चैत २९, सिन्धुली । सिन्धुलीको दुधौली नगरपालिकाको मेयरमा कांग्रेसबाट युवा नेतृ इन्दिरा कोइरालाले दाबी गरेकी छन् । स्थानीय तहमा राम्रो छवि बनाएकी उनले आसन्न स्थानीय तह निर्वाचनमा दुधौलीको मेयरमा उम्मेदवारी दिने तयारी गरेकी हुन् ।

आउँदो ३० वैशाखमा हुन लागेको स्थानीय तहको निर्वाचनमा महिलाले प्रमुखमा दाबी नगरेको भन्दै देशभर चर्चा भइरहेका बेला निरौलाले मेयरमा उम्मेदवारी दिने तयारी गरेकी हुन् । गत मंसिरमा पार्टीको सम्पन्न १४औं महाधिवेशनको महाधिवेशन प्रतिनिधि र महासमिति सदस्यसमेत रहेकी उनले आफू स्थानीय तहमै रहेर जनताको सेवा गर्ने उद्देश्यले मेयरमा उम्मेदवारी दिने तयारी गरेको जानकारी दिइन् ।

राष्ट्रिय भूमि आयोग सिन्धुलीको जिल्ला समिति सदस्यको जिम्मेवारी पाएलगत्तै उनी भूमिहीन र सुकुम्बासीलाई जग्गाधनी लालपुर्जा वितरणमा जुटेकी छन् । दुधौली-९ बाट अभियान सुरु गरेर सो क्षेत्रका १०६ जनालाई जग्गाधनी लालपुर्जा वितरण गरेको नेतृ निरौलाले बताइन् । दुधौलीलाई स्मार्टसिटीको रूपमा विकास गर्ने लक्ष्य लिएकाे उनले न्युज कारखानालाई बताइन् ।

सत्तारुढ दलबीच स्थानीय तहकाे निर्वाचनमा तालमेल गरेर जाने सहमति भएकाे छ । तर सबै ठाउँमा हाेइन । सिन्धुली जिल्लामा सत्तारुढ गठबन्धनले अहिलेसम्म के गर्ने भन्ने निर्णय नभएकाले सबै दलले आ-आफ्ना उम्मेदवार उठाउने तयारी गरेका छन् ।

प्रतिक्रिया दिनुहोस