माघ २९, काठमाडौं । राष्ट्रिय युवा संघको काठमाडौंको विभिन्न स्थानमा रक्तदान आज रक्तदान गरेको छ । काठमाडौंको तारकेश्वरको शेषमतीमा तारकेश्वर नगर कमिटी, नागर्जुनमा नागर्जुन ७ नं. वडा कमिटी र किर्तिपुरमा नगर कमिटीले रक्तदान कार्यक्रम आयोजना गरको हो । 
तारकेश्वर नगरपालिकाको वडा न ११ स्थित शेषमती पुलमा भएको रक्तदानमा ३० जनाले रक्तदान गरेको नगर संयोजक सुमन महर्जनले जानकारी दिनुभयो । यस्तै नागर्जुन नगरपालिका वडा नं. ७ स्थित गोतामथोकमा भएको रक्तदानमा ४५ जनाले रक्तदान गरेको नागर्जुन ७ नं. वडा कमिटी अध्यक्ष सुवास लामिछानेले जानकारी दिनुभयो ।
यस्तै किर्तिपुर नगरपालिकामा ४४ जनाले रक्तदान गरेको किर्तिपुर नगर कमिटी अध्यक्ष भावेश महर्जनले जानकारी दिनुभयो । किर्तिपुरमा नेकपा एमाले किर्तिपुर नगर कमिटीले राष्ट्रिय यसवा संघ, अनेमसंघ सहितको सहकार्यमा रक्तदान गरेको हो ।
कोभिड १९ का कारण उत्पन्न रगत अभाव हुन नदिन रक्तदान कार्यक्रम गरिएको राष्ट्रिय युवा संघ नेपालका काठमाडौं संयोजक सन्तोष अर्यालले जानकारी दिनुभयो । उहाँले वडा तहसम्म नै रक्तदान गरिने जानकारी दिनुभयो । यसअघिपनि काठमाडौंका विभिन्न स्थानमा रक्तदान गरिएको उहाँले बताउनु भयो ।
