• २०८१ साउन ८ गते मङ्गलवार

हिन्दी, बाङ्ला र उर्दु भाषालाई राष्ट्रसङ्घको मान्यता

खबर२४ नेपाल पढ्न लाग्ने समय : १ मिनेट

जेठ २८, काठमाडौं । राष्ट्रसङ्घीय महासभाले हिन्दी, बाङ्ला र उर्दु भाषालाई उल्लेख गर्दै बहुभाषिकातासम्बन्धी प्रस्ताव पारित गरेको छ । शुक्रबार पारित उक्त प्रस्तावले राष्ट्रसङ्घका औपचारिक एवम् अनौपचारिक सञ्चार एवम् सन्देश ती भाषामा सम्प्रेषण गर्न बाटो खोलेको छ ।

संयुक्त राष्ट्र सङ्घका लागि भारतका स्थायी प्रतिनिधि टिएस त्रिमूर्तिले हिन्दीसहित बाङ्ला र उर्दुलाई प्राथमिकता दिएकामा उक्त विश्व संस्थाको सराहना गर्दै महासचिव एनटोनियो गुटरेसप्रति आभार व्यक्त गरेका छन् ।

भारतले सन् २०१८ देखि राष्ट्रसंघीय विश्व सञ्चार विभागसँग साझेदारी गर्र्दै हिन्दीमा समाचार एवम् समाचार सामग्री तयार गर्न बजेटरी सहयोग गर्दै आएको छ । बहुभाषिकता विश्वसमुदायबीच सामञ्जस्यपूर्ण सञ्चार र बहुपक्षीय कूटनीति सञ्चालनका निम्ति अपरिहार्य मानिन्छ ।

अरबी, चिनियाँ, अङ्ग्रेजी, फ्रान्सेली, रूसी र स्पानेली राष्ट्र सङ्घका औपचारिक सञ्चारका आधिकारिक भाषा हुन् । अङ्ग्रेजी र फ्रान्सेली राष्ट्र सङ्घीय सचिवालयका कामकाजका भाषा हुन् ।

प्रतिक्रिया दिनुहोस