माघ २५,काठमाडौं।कतारमा घुँडाको उपचारपछि नेपाली महिला फुटबलर सावित्रा भण्डारी साम्बा आज स्वदेश फर्किंदै छिन् । अखिल नेपाल फुटबल संघ एन्फा का अनुसार सावित्रा मंगलबार साँझ ७:३५ बजे कतार एयरलाइन्सको विमानमा काठमाडौं अवतरण गर्नेछिन् ।
नेपाली महिला फुटबलको गोल मेसिनको रुपमा चिनिने सावित्रा गत असारमा उपचारका लागि कतार गएकी थिइन् । असार ३० गते कतारको दोहास्थित एस्पेटर स्पोर्ट्स मेडिसिन एन्ड अर्थोपेडिक हस्पिटलमा सावित्राको घुँडाको शल्यक्रिया गरिएको थियो ।
