माघ २४, काठमाडौं । स्वास्थ्य तथा जनसंख्या मन्त्रालयका अनुसार नेपालमा २४ घण्टामा १५७० जनामा कोरोना संक्रमण पुष्टि भएको छ । ११ हजार ३६५ जनाको परीक्षण गर्दा सो संख्यामा संक्रमित थपिएका हुन् ।
मन्त्रालयले ७ हजार ८७४ जनाको पीसीआर परीक्षण गर्दा १ हजार २२ र ३ हजार ४९१ जनाको एन्टीजेन परीक्षण गर्दा ५४८ जनामा संक्रमण पुष्टि भएको हो । आज ६ हजार १४६ जना संक्रमित निको भएर घर फर्किएका छन् ।
२४ घण्टामा थप १३ जनाको मृत्यु भएको मन्त्रालयले जनाएको छ । आज देशभरी ४० हजार १११ जना सक्रिय संक्रमित रहेका छन् ।
