फागुन २१, कपिलवस्तु । कपिलवस्तुमा एक बालिकाको हत्याको आरोपमा आमालाई प्रहरीले पक्राउ गरेको छ ।जिल्लाको बाणगंगा नगरपालिका–१ उत्तमनगरमा सीता नेपालीकी १२ बर्षीया छोरीको हत्या गरेको आरोपमा सीता नेपालीलाई प्रहरीले पक्राउ गरेको हो ।
जिल्ला प्रहरी कार्यालय कपिलवस्तुका अनुसार छोरीको हत्यापछि शव लुकाउन हिँडेकी आमालाई पक्राउ गरेको हो । उनले छोरीको शव लुकाउन कोठी खोला नदीमा पुगेको अवस्थामा प्रहरीले पक्राउ गरेको छ । प्रहरीले यस घटनाको विषयमा थप अनुसन्धान गरिरहेको छ ।
