कार्तिक १६, काठमाडौँ । नेकपा (एमाले)का अध्यक्ष केपी शर्मा ओलीले आसन्न निर्वाचनमा आफ्नो पार्टी विजयी नभए देशले दुर्भाग्य भोग्नुपर्ने बताएका छन् ।
आज काठमाडौँ निर्वाचन क्षेत्र नम्बर–१ मा पार्टीका उमेदवार किरण पौडेलको प्रचार कार्यक्रममा बोल्दै अध्यक्ष ओलीले जनताले योपटक एमालेबाहेकलाई राष्ट्रिय शक्ति बनाउन नहुनेमा जोड दिए । एमालेलाई राष्ट्रिय शक्ति नबनाए देशका लागि दुर्भाग्य हुने उनको भनाइ थियो ।
उनले भने, “यसपल्ट नेकपा (एमाले)बाहेक अर्को त्यस्तो राष्ट्रिय शक्ति छैन । त्यो राष्ट्रिय शक्ति निर्माण गर्न जरुरी छ । देशका लागि राष्ट्रिय शक्ति निर्माण गर्न एकदमै जरुरी छ । अहिले राष्ट्रिय शक्ति बनाइएन भने, एकल बहुमत आएन भने देश दुर्भाग्यमा जानेछ । दुर्भाग्य भोग्नुपर्छ ।”
