माघ १९, काठमाडौं । पुल निमार्णका लागि राखिएका सामान चोर्दै गरेको अवस्थामा प्रहरीले झापाबाट एक जनालाई नियन्त्रणमा लिएको छ । जिल्लाको गौरादहमा ट्याक्टर लिएर पुगेका ४० वर्षका रतन साहलाई छडलगायतका सामाग्री चोरी गरेको अवस्थामा प्रहरीले नियन्त्रमा लिएको हो ।गए राति साहलाई ट्याक्टरसहित नियन्त्रणमा लिएको प्रहरीले जनाएको छ ।
गौरादह–९ को दुधे बैगुन्धुरा भित्री सडकखण्डअन्तर्गत कमल खोलामा पुल निर्माणका लागि राखिएको छड चोरी गर्दैगर्दा मे १ त ४७२८ नम्बरको ट्याक्टरसहित साह पक्राउ परेका हुन् ।
उनलाई छड ट्याक्टरमा लोड गर्दैगर्दा प्रहरीले पक्राउ गरेको थियो । अन्य तीन जना भने फरार रहेको प्रहरीको भनाइ छ । यो समूहले दुई दिनअगाडि पनि ४० थान छड लगेको प्रहरीसमक्ष स्वीकार गरेका छन् । फरार रहेकाहरूको खोजी भइरहेको प्रहरीले जनाएको छ ।
