कोपा अमेरिका फुटबल : भेनेजुएलालाई १-० ले पराजित गर्दै पेरु अन्तिम आठमा

असार १४, एजेन्सी । पेरु कोपा अमेरिका फुटबलको क्वाटरफाइनलमा प्रवेश गरेको छ । सोमबार बिहान भएको समूह चरणको अन्तिम खेलमा भेनेजुएलालाई १-० ले पराजित गर्दै पेरु अन्तिम आठमा पुगेको हो ।

खेलको ४८ औं मिनेटमा पेरुका आन्द्रे कारिल्लोले निर्णायक गोल गरे । यस जितसँगै पेरु समूह बी को उपविजेता बन्दै क्वाटरफाइनलमा पुगेको हो । पेरुले ४ खेलमा ७ अंक जोड्यो । भेनेजुएला भने समूह चरणबाटै बाहिरिएको छ ।