भदौ १०, बागलुङ । प्रहरीले भालुको पित्त सहित १ जनालाई पक्राउ गरेको छ । प्रहरीले ढोरपाटन नगरपालिका-४ होन्द्राफेदी बस्ने ४२ वर्षीय चित्र बहादुर पुनलाई करिब २ सय ५० ग्राम संरक्षित वन्यजन्तु भालुको पित्त सहित बुधबार साँझ पक्राउ गरेको हो।
उनको घरमा भालुको पित्त लुकाई राखेको भन्ने खबर प्राप्त हुनासाथ ईलाका प्रहरी कार्यालय बुर्तीबाङबाट खटिएको प्रहरीले घर तलासी गर्दा उक्त पित्त फेला पारी उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
