साउन ११, धनुषा । प्रहरीले वन्यजन्तु सुनगोहरोको जस्तो देखिने २ थान छाला सहित एक जनालाई पक्राउ गरेको छ । प्रहरीले जनकपुर उपमहानगरपालिका-१२ स्थित एयरपोर्टबाट वन्यजन्तु सुनगोहरोको जस्तो देखिने २ थान छाला सहित महोत्तरी बर्दीबास नगरपालिका-११ खैरमारा घर भएका ४३ वर्षीय दोर्जे लामालाई आइतबार साँझ पक्राउ गरेको हो ।
जनकपुरबाट काठमाडौं जान लागेका उनलाई उक्त एयरपोर्टमा खटिएको प्रहरीले जाँच गर्ने क्रममा झोलाभित्र उक्त छाला फेला पारी उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
