माघ १०, झापा । नेपाल कम्युनिष्ट पाटी नेत्रविक्रम चन्द बिप्लब समुहले धरानबाट काकडभित्ता आउदै गरेको बा ४ ख ८८९७ यात्रुबाहक बसमा शिवसताक्षी किराँत चोकमा सार्वजनिक बसमा तोडफोड गरेका छन । बिप्लब समुहका तीन जना युवाले गाडीमा ढुंगा र खुकुरी प्रहार गरी सिसा फुटाइदिई बसको सिट समेत खुकुरीले च्यातिदिएका छन् ।
नेपाल कम्युनिष्ट पार्टीका कार्यकर्ताले गाडी र यात्रुलाई जलाउने प्रयास पनि गरेका थिए । विप्लव समूहले बन्दको आव्हान गर्दै गर्दा बस चलाएको भनि चालक र सहचालकलाई गाली समेत गरेका थिए । गाडी तोडफोड गरि फरार रहेका ३ जना मध्ये एक जना पक्राउ परेका छन् । पक्राउ परेकालाई अनुसन्धानका लागि प्रहरी कार्यलय झिलझिलेमा राखिएको छ । फरार २ जना को खोजी कार्य भइरहेको पनि प्रहरी ले जनाएको छ । तोडफोड भएको बस अहिले झिलझिले प्रहरी कार्यालयमा राखिएको प्रहरीले जनाएको छ ।
