माघ १०, तनहुँ । आफ्नै आमा ७२ वर्षीया लक्ष्मी दरैको हत्या गरेको अभियोगमा प्रहरीले एक जनालाइ पक्राउ गरेकाे छ । प्रहरीले आफ्नै आमाको हत्या गरेको अभियोगमा ब्यास नगरपालिका ११ दरैपधेरो बस्ने ३३ वर्षीय प्रेम दरैलाई बिहीबार राति पक्राउ गरेको हाे ।
मादक पदार्थ सेवन गरेका प्रेमले काठको दाउराले प्रहार गर्दा आमा लक्ष्मीको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय तनहुँबाट खटिएको प्रहरीले उनलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।
