भदौ ३, काठमाडौं । ट्रक र मोटरसाइकल ठोक्किँदा नवलपरासी (पूर्व) कावासोतीमा एक जनाको मृत्यु भएको छ । मृत्यु हुनेमा मोटरसाइकल चालक मध्यविन्दु नगरपालिका-३ का २१ वर्षीय अमर अधिकारी रहेका छन्।
मोटरसाइकलको पछाडि बसेकी सोही ठाउँकी १९ वर्षीया ममता खाँण घाइते छिन्। उनको नवलपुर अस्पतालमा उपचार भइरहेको प्रहरीले जनाएको छ। ट्रक चालकलाई प्रहरीले नियन्त्रणमा लिएको छ । कावासोती नगरपालिका-२ खरकट्टा जंगलस्थित पूर्व-पश्चिम राजमार्गमा ना२ख ७५५५ नम्बरको ट्रक र लु४६प ४७५८ नम्बरको मोटरसाइकल बिहीबार अपरान्ह साढे ५ बजे ठोक्किएका थिए।
