असार ३०, काठमाडौँ। नेकपा माओवादी केन्द्रका अध्यक्ष प्रचण्ड, एमाले वरिष्ठ नेता माधव कुमार नेपाल र नेपाल कम्युनिस्ट पार्टीका महासचिव विप्लवबीच बिहीबार भेटवार्ता भएको छ ।
विप्लव भेटवार्ताका लागि नेपाल निवास कोटेश्वर पुगेका थिए । जहाँ तीन नेताबीच भेटवार्ता भएको जनाइएको छ । विप्लव सँगै नेता धर्मेन्द्र बाँस्तोला पनि नेपाल निवास पुगेका थिए । सो क्रममा नेता नेपाल र प्रचण्डसँग विप्लवले पछिल्लो राजनीतिक घटनाक्रमका साथै समसामयिक विषयवस्तुमा केन्द्रीत रहेर छलफल गरेको नेपाल निकट स्रोतले जनाएको छ ।
