असार २७, पाल्पा । अविरल वर्षासँगै पहिरो खसेपछि सिद्धार्थ राजमार्ग अवरुद्ध भएको छ । गएराति सिद्धार्थ राजमार्ग अन्तरगत बर्तुङ्ग-राम्दी सडकखण्डको दुई स्थानमा खसेको पहिरोले सडक अवरुद्ध भएको हो ।
जिल्ला प्रहरी कार्यालय पाल्पाका सूचना अधिकारी रामेश्वर त्वातीका अनुसार उक्त राजमार्गको रम्भा गाउँपालिका(३ अगाहाँखोला तथा बगनासकाली गाउँपालिका-४ शेरामा पहिरोले सडक अवरुद्ध भएको छ । गएरातिदेखि नै सडक अवरुद्ध भए पनि पानी पर्ने क्रम जारी रहेको हुँदा पहिरो पन्छाउने कार्य सुरु नभएको प्रहरीले जनाएको छ ।
सडक डिभिजन पाल्पाको स्काभेटर पहिरो गएको स्थलमा जादै गरेको भएपनि दुईवटा पहिरो पन्छाउन केही समय लाग्ने प्रहरीले जनाएको छ । राजमार्ग बन्द हुँदा माहबहाक सवारीसँगै अत्यावश्यक सेवाका सवारीसमेत सडकमा अलपत्र परेका छन् ।।
