वैशाख २८, काठमाडौंं । कालिमाटी फलफूल तथा तरकारी बजार बन्द हुने भएको छ। कोभिड–१९ को जोखिम न्यूनिकरणका लागि कालिमाटी फलफूल तथा तरकारी बजार विकास समितिले खुद्रा तथा कृषक बजार बन्द गर्न लागेको हो ।
कालिमाटी फलफूल तथा तरकारी बजार विकास समितिले सुचना निकालेर जिल्ला प्रशासन कार्यालय, काठमाडौंले तोकेको निषेधाज्ञा अवधिभरि ती बजार बन्द गरिने जनाएको छ । समितीका अनुसार कृषक बजार मंगलबारदेखि पूर्ण रूपमा बन्द गरिने छ भने खुद्रा बजार बिहीबारदेखि बन्द हुने छ। थोक बजारमा हुने सम्पूर्ण खुद्रा कारोबार भने बुधबारदेखि बन्द हुने छ ।
