जेष्ठ २५, मकवानपुर । बागमती प्रदेश सरकारको नीति तथा कार्यक्रम बागमती प्रदेश मुख्यमन्त्री तथा मन्त्रिपरिषद्को बैठकले स्वीकृत गरेको छ । मंगलबार मुख्यमन्त्री तथा मन्त्रिपरिषद् कार्यालय हेटौंडामा बसेको बागमती प्रदेशको मन्त्रिपरिषद् बैठकले प्रदेश सरकारको आगामी आर्थिक वर्ष २०७७र०७८ को नीति तथा कार्यक्रमलाई स्वीकृत प्रदान गरेको प्रदेश सरकारका प्रवक्ता एवम् आर्थिक मामिला तथा योजनामन्त्री कैलाशप्रसाद ढुंगेलले जानकारी दिनुभयो ।
प्रदेश सरकारले आगामी जेठ २७ गते प्रदेशसभामा पेश गर्न तयार पारिएको नीति तथा कार्यक्रमलाई स्वीकृत प्रदान गर्ने निर्णय गरेको हो । आगामी आर्थिक वर्षका लागि बागमती प्रदेश सरकारले कोरोना नियन्त्रण, उपचार र भौतिक पूर्वाधारलाई प्राथमिकतामा राखेर नीति कार्यक्रम र बजेट ल्याउने तयारी गरेको छ ।