• २०८० फाल्गुन १० गते बिहिवार

नेता भट्टराईद्वारा प्रधानमन्त्री ओलीको कदमलाई स्वागत

खबर२४ नेपाल पढ्न लाग्ने समय : १ मिनेट

जेष्ठ २३, काठमाडौँ। नेकपा एमालेका नेता योगेश भट्टराई प्रधानमन्त्री तथा पार्टी अध्यक्ष केपी शर्मा ओलीले पार्टीलाई एकतवद्ध बनाइराख्न गर्नुभएको ६ बुँदे अपिललाई सकारात्मक रहेको भन्दै स्वागत गर्नुभएको छ । प्रधानमन्त्री तथा अध्यक्ष ओलीले पार्टी एकताालाई जिवन्त राख्न भन्दै आज ६ बुँदे अपिल जारी गर्नुभएको हो ।

उक्त अपिल पश्चात नेता भट्टराईले उक्त कदमले पार्टीलाई जिवन्त राख्नेमा विश्वास व्यक्त गर्नुभयो । शिर्ष नेतृत्वले विशेष मनन गरी अगाडी बढ्नुपर्नेमा समेत जोड दिनुभयो ।

उहाँले आफ्नो धारणा सामाजिक सञ्जालमा व्यक्त गर्दै भन्नुभएको छ, नेकपा एमालेका अध्यक्ष कमरेड केपी शर्मा ओलीले नेकपा एमालेको एकताका लागि आज सार्वजनिक बक्तब्य मार्फत गर्नु भएको आह्वन मुलत सकारात्मक छ । कार्यदल स्तरको छलफललाई यो बक्तब्यले पुन निरन्तरता दिन बाटो खुलेको छ । पार्टीका जिम्मेवार नेता कमरेडहरु सम्मिलित कार्यदलले स्पस्ट गर्नु पर्ने र मिलाउनु पर्ने थप बिषयहरुलाई समाधान गर्ने छ । सर्बोच्चमा बिचाराधिन बिषयमा सबै संभावनालाई ख्याल गर्दै र मुलत संबिधानको रक्षा, लोकतान्त्रिक प्रकृयाको निरन्तरता र पार्टी एकताको खातिर एउटा तार्किक निश्कर्समा पुग्नु उपयुक्त हुनेछ । सारमा अध्यक्षको बक्तब्यले पार्टीको शिर्स नेत्रित्वका बिचमा सार्थक संबाद हुनेछ र नेकपा एमालेको एकतालाई अक्षुण राख्न मद्घत पुग्ने अपेक्षा गर्दछु । हजार माईलको यात्रा पहिलो पाईलाबाट नै शुरु हुन्छ ।

प्रतिक्रिया दिनुहोस