• २०८१ साउन १ गते मङ्गलवार

नेकपा एकीकृत समाजवादी पार्टीमा पूर्णता, बन्यो ३०३ सदस्यीय कमिटी

खबर२४ नेपाल पढ्न लाग्ने समय : १ मिनेट

मंसिर १५,बाँके । बाँकेमा नेकपा एकीकृत समाजवादी पार्टीले पूर्णता पाएको छ । पार्टी केन्द्रीय सदस्य तथा बाँके इन्चार्ज नेता अशोक कोइरालाको अध्यक्षतामा भएको भेलाले इन्द्रबहादुर थापाको अध्यक्षतामा ३ सय ३ सदस्यीय जिल्ला कमिटी गठन गरेको हो ।

नवगठित जिल्ला कमिटीको उपाध्यक्षमा सम्सुद्दिन सिद्दिकी, भद्रप्रसाद देवकोटा, सचिव दिपक जीएम, सहसचिव किशोर थापा, भगवति अधिकारी, कप्तान पाठक रहेका छन् । उनीहरुलाई समाजवादीका पोलिटब्यूरो सदस्य दलबहादुर सुनारले सपथ ग्रहण गराएका थिए ।

त्यसअघि कार्यक्रममा बोल्दै नेता सुनारले जिल्ला कमिटीलाई जिल्लामा पार्टी बलियो बनाउन लागि पर्नका लागि आग्रह गरेका थिए । यसअघि जिल्ला अध्यक्षको समेत जिम्मेवारीमा रहेका बाँके इन्चार्ज कोइरालाले कार्यभार नयाँ कार्यसमितिका अध्यक्ष थापालाई हस्तान्तरण गरेका थिए ।

प्रतिक्रिया दिनुहोस