असोज १३, काठमाडौँ । इंग्लिस प्रिमियर लिग फुटबलमा आबद्ध भएका खेलाडी र प्रशिक्षक तथा स्टाफहरुमध्ये १० जनामा कोरोना भाइरसको संक्रमण पुष्टि भएको छ ।
उक्त लिग फुटबलमा पछिल्लो समय गरिएको परीक्षणमा नयाँ सिजन सुरु भएपछिकै सबैभन्दा बढी कोरोना भाइरसको संक्रमण देखिएको हो । प्रिमियर लिगका कूल १ हजार ५९५ खेलाडी र क्लब स्टाफको सेप्टेम्बर २१ र २७ मा कोरोना परीक्षण गरिएको थियो । गत साता वेष्टहामका प्रशिक्षक डेविड मोयस, खेलाडी इसा डिओप र जोश कुलनमा कोरोना देखिएको थियो ।
