भदौ १०, चितवन । चितवनमा थप ४० जनामा कोरोना संक्रमण पुष्टि भएको छ ।भरतपुर अस्पताल कोभिड ल्याबमा गरिएको परीक्षणमा भरतपुर महानगरपालिकामा २० महिला र १६ पुरुषमा कोरोना संक्रमण देखिएको छ ।उनीहरु ५ देखि ५४ वर्ष उमेर समूहका छन् ।यसैगरी रत्ननगर नगरपालिकामा ३ जना र खैरेनी नगरपालिकामा १ जनामा कोरोना पुष्टि भएको छ ।
रत्ननगर नगरपालिकाको वडा नं। १, ६ र १३ मा २ महिला तथा १ पुरुषमा कोरोना संक्रमण देखिएको छ । उनीहरु २४ वर्षदेखि ७१ वर्ष उमेर समूहका छन् । खैरेनी नगरपालिका–१ मा २६ वर्षीय एक पुरुषमा पनि कोरोना संक्रमण देखिएको छ ।भरतपुर अस्पतालको कोभिड ल्याबमा गएराति नै गरिएको परीक्षणमा नवलपुर, रुपन्देही, तनहुँ र धनुषाका १–१ जनामा कोरोना पुष्टि भएको जनाइएको छ ।
