असोज ९, काठमाडौं । बल्खु खोलाको पुलबाट हाम फालेका एकको उद्धार गरिएको छ । सर्लाही घर भई हाल कालिमाटी बस्ने अन्दाजी बर्ष २५/२६ को बिकाश बिष्टले मा.पा.से.गरी हाम फालेका हुन ।
खोलामा हाम फालेको सुचनाको आधारमा वृत कालिमाटीबाट खटि गएको प्र.ना.उ.अपील राज बोहराको कमाण्डमा खटिएको प्रहरी टोली र स्थानिय बासीहरुको सहयोगमा उनलाई का.म.न.पा.१४ कुमारी क्लब स्थित लामा सप्लायर्स अगाडी बागमती खोलाबाट उद्धार गरिएको हो । उनलाई सकुशल उद्धार गरी तत्काल उपचारको लागि राष्ट्रिय ट्रमा सेन्टरमा पठाईएको छ । उनको निधारमा सामान्य चोट लागेको छ । सवारी चालकको रुपमा कार्यरत बिष्ट वेरोजकारी रहेको खुल्न आएको छ ।
