चैत ४, रौतहट । धारिलो हतियार खुकुरी प्रहार गरेर आफ्नै भाउजूको हत्या गर्ने प्रयास गरेको आरोपमा रौतहटबाट राजुकुमार सहनी पक्राउ परेका छन । राजुकुमार सहनीलाई रौतहटको यमुनामाई गाँउपालिका १ की पुनम सहनीलाई धारिलो खुकुरी प्रहार गरेको आरोपमा प्रहरीले पक्राउ गरेको हो ।
प्रहरीका अनुसार आफ्नै कोठामा सुती रहेकी पुनमलाई बिहान ४ बजेको समयमा सहनीले खुकुरी हानेर हत्या गर्ने प्रयास गरेका थिए । इलाका प्रहरी कार्यालय गरुडाका अनुसार घरायशी विवादका कारण भाउजूलाई टाउकोमा खुकुरी हानेको सहनीले प्रहरी समक्ष स्वीकार गरेका छन । पक्राउ परेका सहनीका साथबाट घटनामा प्रयोग भएको रगत लागेको खुकुरी समेत बरामद भएको छ ।
