पौष ११,भक्तपुर । भक्तपुरबाट ६ जुवाडेलाई प्रहरीले पक्राउ परेका छन् ।
बिहीबार राति सूर्यबिनायक नगरपालिका-२ बालकोटबाट ४२ वर्षीय राम रानाभाटको घरमा जुवातास खेलिरहेको अवस्थामा सोही ठाउँ बस्ने ४१ वर्षीय जीवन श्रेष्ठसहित ६ जनालाई पक्राउ गरेको हो ।
उनीहरुको साथबाट नगद ५१ हजार ९५ रुपैयाँ र ३ बुक ताससहित महानगरीय प्रहरी वृत्त ठिमीबाट खटिएको प्रहरीले पक्राउ गरेको हो ।
पक्राउ परेका उनीहरुमाथि थप अनुसन्धान भइरहेको भक्तपुर प्रहरीले जनाएको छ ।
