- गीता खनाल (अर्याल)
१
समयको न त आदि न त हुन्छ अन्त
पहिलेदेखि चल्यो, चल्नेछ पछि पर्यन्त
सेकेन्ड, मिनेट गन्दागन्दै बिते कैयौं बर्ष
त्यसैले भनियो समय अनादी र अनन्त ।
२
न सकिन्छ छुन न सकिन्छ देख्न र छेक्न
आफ्नै गतिमा चल्छ समय न सकिन्छ रोक्न
दिनरात नभनी खटिएका बुझी समयको खेल
त्यसैले सफल भए अभियन्ता ध्रुब गजुरेल ।।
३
इच्छाशक्ति उडाउन सकेन कस्तै तुफान चलेर पनि
समयको माग भन्दै नयाँ धरहरा सम्बत बनाए पनि
देउसी, भैलो, मुक्तक, कविता लेखे सहयोगलाई भनी
नदिई त लेख्नै सकिन सफलताको शुभकामना मैले पनि ।
४
भुकम्पको बिनासलाई संझिदा मनमुटु खन्छ
तिनै करोड नेपालीलाई सिंगो धरहरा हेर्ने मन छ
गर्नुपर्दा केही कसैले भोलि या पछि गर्छु भन्छ
बर्तमानकै सदुपयोग गरौं पक्कै सुन्दर धरहरा बन्छ।।।।
तिलोत्तमा नगरपालिका-१५
रुपन्देही ।
