पौष ६, सुनसरी । ईलाका प्रहरी कार्यालय ईटहरीले बिभिन्न ब्रान्डका ५२ थान मोवाइल सेट फेला पारी सम्बन्धीत धनीहरुलाई बुझाएको छ ईटहरी लगायत आसपासका सर्वसाधरणहरुले आफ्ना मोवाइल हराएको भनी निवेदन दिए संगै खोजतलास गरिरहेको प्रहरीले यो सातामा मात्र ५२ थान मोवाइल फेला पारी सम्बन्धित धनीहरुलाई बुझाएको हो ।
हराएका तथा चोरी भएका मोवाइलहरुको सम्बन्धमा प्राप्त निवेदनको आधारमा खोजतलास गरी फेला परेका मोवायल फोनहरु सम्बन्धिीत धनीलाई बुझाईएको ईलाका प्रहरी कार्यालय ईटहरीले जनाएको छ । २०७६ साल बैसाख महिना देखि ईलाका प्रहरी कार्यालय ईटहरीमा CDR शाखा स्थापना भए पछी हराएका तथा चोरी भएका बिभिन्न ब्राण्डका करिव ४७ लाख ५२ हजार ८९० रुपैयाँ बराबरको १९५ थान मोवाईल फेला पारी बुझाई सकिएको र अनुसन्धान पश्चात मोवाईल चोरीमा संलग्न ८ जना व्यक्तिहरूलाई पक्राउ गरी चोरी मुद्दा अन्तरगत कारवाही गरिएको नेपाल प्रहरीले जनाएको छ ।
