भक्तपुरबाट सात जना जुवाडे पक्राउ

पौष  २ ,भक्तपुर । भक्तपुरबाट सात जना जुवाडे पक्राउ परेका छन् । मंगलबार राति सूर्यविनायक नगरपालिका-४ दधिकोटबाट दधिकोट सिमले बस्ने ३४ वर्षीय पासाङ तामाङको जस्ताको टहरामा जुवातास खेलिरहेको अवस्थामा पासाङ तामाङसहित ७ जनालाई पक्राउ गरेको प्रहरीले जनाएको छ ।

उनीहरुको साथबाट नगद २ लाख ७ हजार ८ सय ८५ रुपैयाँ र १ बुक ताससहित महानगरीय प्रहरी प्रभाग दधिकोटबाट खटिएको प्रहरीले उनीहरुलाई पक्राउ गरेको हो । पक्राउ परेका उनीहरुमाथि थप अनुसन्धान भइरहेको प्रहरीले जनाएको छ ।