असार ३, काठमाडौं । नेपालको प्रारम्भिक टोली अब टी २० विश्वकप छनोटको एसिया फाइनल खेल्ने घोषणा भएको छ ।
उमेश पटवाल राष्ट्रिय टोलीको प्रशिक्षक नियुक्त भएपछि कप्तान पारस खड्काको कप्तानीमा २५ सदस्यीय टोली घोषणा भएको हो ।टोलीमा खड्कासँगै दिपेन्द्र सिंह ऐरी, ज्ञानेन्द्र मल्ल, बसन्त रेग्मी, विनोद भण्डारी, करण केसी, तलित नारायण राजवंशी, आरिफ शेख, प्रदिप ऐरी, रोहितकुमार पौडेल, सन्दीप लामिछाने, शरद भेषावकर, सोमपाल कामी छन् ।
यस्तै, सन्दीप जोरा,जितेन्द्र मुखिया, सुशास भारी, कुशल भुर्तेल, भीम सार्की, अविनास बोहोरा, अमित श्रेष्ठ, नन्दन यादव, पवन शर्राफ, राजु रिजाल, शाहब आलम पनि टोलीमा परेका छन् । बन्द प्रशिक्षण बिहीबारबाट सुरु हुनेछ ।
नेपाली टोली तयारीका क्रममा विदेश भ्रमणमा समेत जाने तयारी छ ।
