एकदिन त यो जिन्दगानि बेचिदिन्छु

•  गोबिन्द रिजाल

जानि बेचिदिन्छु, नजानि बेचिदिन्छु
एकदिन त यो जिन्दगानि बेचिदिन्छु ।

कतिदिन रहने हो संगालेरै राखे पनि
बाँच्नुछ केही दिन जवानी बेचिदिन्छु ।।

जो जस सँग जे छ त्यही बेच्ने न हो
यो आँखामा बचेको पानी बेचिदिन्छु ।।

अझै बाँकि छ भने तिर्न ऋण कसैको
मुटु राख्छु र धितो निशानि बेचिदिन्छु ।।

तिमी हुन्छौं भने खुसि मेरो दुख पढेरै
कीन बजारमा मेरो कहानि बेचिदिन्छु ।।

मुटु राख्छु र धितो निशानि बेचिदिन्छु
अब एकदिन त जिन्दगानि बेचिदिन्छु ।।

प्रमुख जिल्ला अधिकारी दाङ