• २०८१ जेष्ठ ९ गते बुधवार

टी–२० क्रिकेट प्रतियोगिताको तयारी अन्तिम चरणमा

पढ्न लाग्ने समय : १ मिनेट

असोज २७,काठमाडौं । वुमन्स च्याम्पियन्स लिग टी–२० क्रिकेट प्रतियोगिताको तयारी अन्तिम चरणमा पुगेको छ ।

असोज २९ गतेदेखि कात्तिक ७ गतेसम्म चल्ने प्रतियोगिताका लागि खेलाडी काठमाडौं आउनेदेखि मैदान व्यवस्थापनको काम भइसकेको आयोजक क्विन्स इभेन्ट मेनेजमेन्टका प्रबन्ध निर्देशक छुम्बी लामाले बताए ।

‘प्रतियोगिताको तयारी अन्तिम चरणमा पुगिसकेको छ। मैदान व्यवस्थापन लगायत प्राविधिक काम पनि भइसकेको छ’, लामाले भने, ‘प्रतियोगिताका लागि सहभागी टोलीहरु काठमाडौं आइसकेका छन्।’

वुमन्स च्याम्पियन्स लिगका लागि विभिन्न ५ शहरका ५ वटा टिम रहेका छन् । महिला क्रिकेट लिग नेपालमा पहिलो पटक आयोजना हुन लागेको हो।

प्रतियोगिता किर्तिपुरस्थित त्रिभुवन विश्वविद्यालयको क्रिकेट मैदानमा आयोजना हुनेछ। प्रतियोगितामा ललितपुर फाल्कोन्स, पोखरा पल्टन,क्यापिटल रोयल्स काठमाडौँ, चितवन राइनोज र विराटनगर टाइटन्सले प्रतिस्पर्धा गर्ने छन् ।

प्रतियोगिताको उद्घाटन खेलमा २९ गते काठमाडौं क्विन्स र चितवन राइनोजले प्रतिस्पर्धा गर्दैछन्। लिग चरणको उद्घाटन हुने दिन बाहेक अन्य दिन २–२ वटा खेल हुनेछन् ।

प्रतिक्रिया दिनुहोस