मंसिर, २५ काठमाडौँ । नेपाली बैङ्क ह्याकिङ तथा अनलाइनबाट ठगीमा संलग्न तीन जनालाई महानगरीय अपराध महाशाखाको टोलीले पक्राउ गरेको छ ।
अनलाइनका माध्यमबाट पुरस्कार वा चिठ्ठा पर्यो लगायतका विभिन्न प्रलोभन देखाई उनीहरुले ठगी गर्ने गरेको प्रहरीले जनाएको छ । त्यसैगरी उनीहरुले विभिन्न बैङ्क ह्याकिङसम्म गरेको प्रहरीले बताएको छ ।
उनीहरुलाई काठमाडौँ लगायत देशका अन्य स्थानबाट पक्राउ गरिएको प्रहरीले जनाएको छ । पक्राउ पर्नेहरुको नाम भने प्रहरीले खुलाएको छैन । यसबारेमा थप जानकारी दिन प्रहरीले पत्रकार सम्मेलनको तयारी भएको छ ।
