• २०८१ जेष्ठ ५ गते शनिवार

बुटवलमा दुर्घटनामा परी दुई जनाको मृत्यु

पढ्न लाग्ने समय : १ मिनेट

असोज १७, बुटवल । बुटवलमा आज दुई छट्टाछुट्टै दुर्घटनामा परी दुई जनाको ज्यान गएको छ । पूर्व पश्चिम राजमार्ग अन्तरगत बुटवल–१२ नयाँगाउँमा पश्चिमबाट पूर्वतर्फ आउँदै गरेको लु ३० प २३२१ नम्बरको मोटरसाइकल अनियन्त्रित भई पल्टिदा बुटवल गोलपार्कका गणेश अधिकारीको मृत्यु भएको छ ।

गम्भीर घाइते अधिकारीको उपचारको क्रममा बुटवलस्थित लुम्बिनी प्रादेशिक हस्टिलमा मृत्यु भएको इलाका प्रहरी कार्यालय बुटवलका प्रमुख भीमलाल भट्टराईले जानकारी दिएका छन् ।

यस्तै बुटवल–१० रामनगरमा लु ४४ प ७६५६ नम्बरको मोटरसाइकलले ठक्कर दिँदा नाम नखुलेको अन्दाजी ५५ वर्षिया पुरूषको मृत्यु भएको छ । ठक्कर दिने मोटरसाइकल र चालकलाई प्रहरीले नियन्त्रणमा लिएको छ । मृत्यु हुनेको पहिचान हुन नसकेको प्रहरीले बताएको छ ।

प्रतिक्रिया दिनुहोस