गौशाला बसपार्कस्थित ३ किलो गाँजासहित एक व्यक्ति पक्राउ

Khabar24Nepal Author Logo..
पढ्न लाग्ने समय : १ मिनेट

साउन १०, काठमाडौं । प्रहरीले पक्राउ गर्न खोज्दा ३ किलो गाँजासहित भागेका एक व्यक्ति ५ दिनपछि पक्राउ परेका छन् ।

नुवाकोटको तारकेश्वर घर भइ काठमाडौंको बौद्ध बस्ने २९ वर्षी कृष्ण श्रेष्ठ साउन ५ गते काठमाडौं महानगरपालिका–९ गौशाला बसपार्कस्थित जनकपुर गेस्ट हाउमा ३ किलो गाँजासहित फेला परेका थिए ।

विशेष सूचनाका आधारमा प्रहरी उनलाई पक्राउ गर्न गएको थियो । तर, आफूलाई पक्राउ गर्न प्रहरी आएको खबर पाएपछि श्रेष्ठ गाँजासहित भागेका थिए ।

तर, भागेको ५ दिनपछि शुक्रबार पक्राउ परेका छन् । श्रेष्ठलाई महानगरीय प्रहरी बृत्त कमलपोखरीबाट खटिएको टोलीले उनलाई पक्राउ गरेको हो ।

स्थानीय प्रहरीसँगको समन्वयमा काठमाडौंबाट खटिएको प्रहरी टोलीले श्रेष्ठलाई उनको घर (नुवाकोटको तार्केश्वर)बाट पक्राउ गरेको हो ।

प्रतिक्रिया दिनुहोस