ठेक्काको नाममा ढुङ्गाको व्यापार, स्वीकृत एकातिर, ढुङ्गा अर्को तिर

Khabar24Nepal Author Logo..
पढ्न लाग्ने समय : ३ मिनेट

खबर 24 नेपाल ५. नम्बर ब्युरो

असार १४, दाङ । दाङ लमही नगरपालिकाले स्वीकृत एकातिर दिएपनि गुपचुप मै ढुँगाजन्य बस्तु अर्कैतिर बिक्रि गरेको पाईएको छ ।


राजस्व तिरेर ढुङ्गाजन्य बस्तु उठाउन अनुमति पाएको कम्पनिको अाँखा छलगरि सम्बन्धित कम्पनि कै नामको रसिद प्रयोग गरेर ढुङ्गा अन्यत्र बिक्रि बितरण गरेको खुलासा भएको हो । राप्ती राजमार्ग अन्तर्गत तुलसिपुर-अमेलिया सडक स्तरोन्नति गर्दा निस्किएको ३२२६ घनमिटर ढुङ्गालाई तट्बन्धनमा प्रयोग गर्ने सहमतिमा सुर्य वाईबा कन्ट्रक्सन जेभि काठमाण्डौले अनुमति पाएको छ । उक्त ढुङ्गा उठाउनको लागि कम्पनिले लमही नगरपालिकालाई ६लाख, ८३ हजार, ६ सय ५३ रूपैया ९२ पैशा समेत राजस्व तिरेको छ ।

सडक स्तरोन्नति गर्दा डम्पिङ्ग गरि राखिएको ढुङ्गा त्यसै खेर जाने तथा चोरी हुने सम्भाबना देखिएपछि जिल्ला समन्वय समिति दाङ्ग र लमही नगरपालिकाले उक्त ढुङ्गालाई प्रयोगमा ल्याउने निर्णय गरेका थिए । सोही निर्णय अनुसार सुर्य वाईवा कन्ट्रक्सनले राजस्व तिरेर ढुङ्गा उठाउने अनुमति पाएको थियो । लमही नगरपालिकाले कम्पनिलाई दिएको अनुमति पत्रमा उक्त ढुङ्गा राजपुर-३ कालिपुरूवा घाट स्थित निर्माण हुन लागेको तट्बन्धनमा मात्र प्रयोग गर्न पाईने भनेर उल्लेख छ । तर, नगरपालिकाले अाफै अन्यत्र बिक्रि गर्दै अाईरहेको नाम नबताउने सर्तमा एक स्थानियले बताए ।
कानुन बनाएर अाफै उलङ्घन गरेको सुर्य वाईवा कन्ट्रक्सनका प्रतिनिधि तिलक बिसिले बताए । बिसिका अनुसार राजस्व हामिले तिरेका छौँ, तर सबैको सेटिङ्गमा ढुङ्गा त अन्तै निकासा भईरहेको रहेछ, यसले गर्दा हामी मारमा पर्यौ । “राजस्व हामिले तिर्ने, हाम्रै अाँखा छल्ने? बिसिले भने स्थानिय सरकारलाई अलिकति लाज लाग्नुपर्ने!”

तटबन्धनको लागि ३२२६ घनमिटर ढुङ्गा उठाउन अनुमति पाएको सुर्य वाईवा कन्ट्रक्सनले अहिले सम्म रसिदको १०२ सिरियल नम्बर अर्थात १०२ ट्रिपर नै ढुङ्गा उठाएको छ । प्रति ट्रिपर १० घनमिटरका दरले १०२ ट्रिपरमा १०२० घनमिटर मात्र ढुङ्गा उठाएको छ । तर रसिद चेक गर्दा १२९ सिरियल नम्बर पुगेको छ । २७ ट्रिपर ढुङ्गा घोराही निकासा भईसकेको काटिएको रसिदबाट प्रष्ट हुन्छ । प्रति ट्रिपर १० घनमिटरका दरले २७ ट्रिपरको २७० घनमिटर हुन अाउँछ । २/४ दिन अघिदेखी हाईबे रोड अमेलिया-लमही सडक खण्डमा ढुङ्गाजन्य बस्तु अोसार पसार हुन थालेपछि सम्बन्धित कम्पनिको ध्यान पुग्यो । १३ गते शुक्रबार बेलुका ढुङ्गा बोकेको ना ७ ख ६०५५ नम्बरको ट्रिपर घोराही तर्फ जाँदै गरेको अबस्थामा सम्बन्धित कम्पनिका प्रतिनिधिले रसिद चेक गर्दा अाफ्नै सुर्य वाईवा कै रसिद फेला पय्रो । १२९ अौँ सिरियल नम्बर भएको उक्त रसिदमा बवई तथा कटुवाखोला नियन्त्रण उपभोक्ता समिति घोराही-६ मा लाने भनिएको छ । यो भन्दा अगाडी सबैको मिलेमतोमा २७ ट्रिपर ढुङ्गा घोराही निकासा भईसकेको रसिद बाटै स्पष्ट हुन्छ ।

तुलसीपुर-अमेलिया स्थित डम्पिङ्ग गरिएको ढुङ्गालाई अाफ्नो बनक्षत्र बाट उठाउन स्थानिय सामुदायिक बनले दबाव दिएपछि ढुङ्गा घोराही पठाईएको लमही नगरपालिकाका प्रमुख कुल बहादुर केसीले बताए । उनले राजस्व तिरेको कम्पनिले ढुङ्गा उठाउन ढिला गरेको भन्दै घोराही बाट माग भए बमोजिम उतै पठाईएको जानकारि दिए । सम्बन्धित कम्पनि सँग अाबस्यक छलफल नगरि रसिद प्रयोग गरेको स्विकार्दै मेयर केसीले अबभने समस्यालाई छलफल बाटै टुँगो लगाईने बताए ।

सम्बन्धित कम्पनिका प्रतिनिधि बाट पक्राउ परेको उक्त ट्रिपर अाबश्यक छानबिनको लागि सशस्त्र प्रहरी बल सिमा सुरक्षा अर्जुनखोलामा राखिएपनि ट्रिपरलाई बेलुका नै छाडिएको छ ।
सशस्त्र प्रहरी बेस क्याम्प भालुबाङ्गका एसपि तुलसीराम दाहालको निर्देशनमा कुनैपनि निर्णय बिना ट्रिपर छाडिएको सशस्त्र प्रहरी बल सिमा सुरक्षा अर्जुनखोलाले जानकारी दिएको छ ।

प्रतिक्रिया दिनुहोस