पछिल्लो नौ महिनामा कर्णालीमा बलात्कारका घटना दोब्बरले बढे

Khabar24Nepal Author Logo..
पढ्न लाग्ने समय : १ मिनेट

असार ९ सुर्खेत
पछिल्लो नौ महिनाको अवधिमा कर्णालीमा ११६ वटा बलात्कारका घटना भएका छन् । जुन अघिल्लो वर्षको घटनाभन्दा दोब्बर हो । कर्णाली प्रदेश प्रहरी कार्यालयका अनुसार गत वर्ष ५९ उक्त घटना भएका थिए । प्रदेश प्रहरी प्रमुख तथा प्रहरी नायव महानिरीक्षक महेशविक्रम शाहकाअनुसार महिला हिंसाका घटनामध्ये अधिकांश घटना जबरर्जस्ती करणीका छन् ।

उनका अनुसार आर्थिक वर्ष २०७२र७३ मा ६८, २०७३र७४ मा ६७ र २०७४र७५ मा ५९ बलात्कारका घटना भएका थिए । यस आर्थिक वर्षको चैतसम्ममा मात्र ११६ बलात्कारका घटना भएको तथ्याङ्कमा उल्लेख छ । प्रहरी प्रमुख शाहले अधिकांश बलात्कारका घटनामा बालिका नै पीडित भएको बताए ।

बलात्कारसँगै बहुविवाह, बालविवाहका घटना पनि उल्लेख्य रहेकाले यसका लागि आर्थिक मामिला तथा कानून मन्त्रालयको शान्ति सुरक्षा अभियान अन्तर्गत महिला हिंसा र लागूऔषधको विषयमा जनचेतनामूलक कार्यक्रम सञ्चालन गर्न लागिएको उनले जानकारी दिए । जिल्लाका ७९ स्थानीय तहका सबै वडामा उक्त कार्यक्रम सञ्चालन गर्न प्रशिक्षकलाई तालिम दिइरहेको पनि प्रहरी प्रमुख शाहको भनाइ थियो ।

प्रतिक्रिया दिनुहोस