`हर्न निषेध` लागू भए यता करिब ४२ हजार चालकलाई कारवाही

Khabar24Nepal Author Logo..
पढ्न लाग्ने समय : २ मिनेट

असार ८, काठमाडौं । २०७४ साल बैशाख १ गतेदेखि राजधानीमा `नो हर्न` नीति लागू भएको छ । तर पूर्ण रुपमा यो कार्यान्वयनमा आउन सकिरहेको छैन् । महानगरीय ट्राफिक प्रहरी महाशाखाले राजधानीका सडक हर्न निषेध लागू भएपनि बजाउदैं सवारी चलाउनेलाई विषेश अपरेशन गरेर कारवाही गरिरहको छ ।

महाशाखाका प्रमुख प्रहरी वरिष्ठ उपरिक्षक बसन्त पन्तका अनुसार जेठ २८ गते देखि सुरु भएको यो अभियान अन्र्तगत असार ५ गतेसम्म करिब ४ हजार सवारी चालकलाई कारवाही गरिएको छ । प्रहरी वरिष्ठ उपरिक्षक पन्तले भने “हामीले यो अभियानमा ३ हजार ९ सय ५१ कारवाही गरेका छौं ।”

चालू आर्थिक वर्षको यो अवधीमा मात्र १६ हजार ४ सय ४८ लाई कारवाही गरिएको छ । शादा पोशाकमा समेत ट्राफिक प्रहरी परिचालन गरेर हर्न बजाउनेलाई कारवाही गरिदैं आएका छौं । उनीहरुले सडकमा निगरानी राखेर हर्न बजाउने सवारीको नम्बर नोट गरेर डियुटीमा रहेकालाई जानकारी दिने र त्यसपछि कारवाही हुदैं आएको छ ।

मानिसको सामान्ने सुन्ने क्षमता २६ डेसिबलसम्मको हुने गर्दछ र ६० सम्मको सुन्न सकिन्त तर ७० डेसिबलको ध्वनीले निकै असर गर्ने नेपालमा संचालनमा रहेका समान्य सवारीको ध्वनी १ सय डेसिबल हुने प्रहरीको भनाई छ ।

ध्वनी प्रदुषणले श्रवण शक्तिमा असर गर्ने, रक्तचाप बढ्ने, स्मरण शक्तिमा कमी आउने लगायतको समस्या हुने गर्दछ । प्रहरीले हर्न निषेध क्षेत्रमा बजाएमा जरिवाना बापत रु ५ सय रुपैँया लिने गरेको छ । महाशाखा प्रमुख पन्तका अनुसार पन्तका `नो हर्न` लागू भए यता ४१ हजार ५ सय १६ सवारी चालकलाई कारवाही गरिएको छ ।

प्रतिक्रिया दिनुहोस